" A Thiarna, cé chuige a rachamaid ? Is agatsa atá na briathra na beatha síoraí. " Eoin 6: 68



CLÁRAIGH !
Cuir isteacht do sheoladh r-phoist


Dearbhaigh do sheoladh r-phoist

















 

Déardaoin na Tríú Seachtaine den Chargas

Naoimh an lae : Naomh Victorien

Léachtanna an lae


Soiscéal Naofa Íosa Críost de réir Lúcáis 11,14-23.
Bhí deamhan á chaitheamh amach aige – deamhan balbh. Agus nuair a bhí an deamhan imithe amach, labhair an fear balbh, agus rinne na sluaite ionadh de.
Ach dúirt cuid acu: “Is trí Bhéalzabúl, prionsa na ndeamhan, a chaitheann sé na deamhain amach.”
Agus bhí cuid eile acu ag lorg comhartha ó na flaithis uaidh, á phromhadh.
Ach ó bhí fios a smaointe aige dúirt sé leo: “Gach ríocht a bhíonn ar deighilt ina haghaidh féin, bánaítear í, agus titeann a cuid tithe ar mhuin a chéile.
Agus má bhíonn Sátan freisin ar deighilt ina aghaidh féin, conas a sheasóidh a ríocht? – os á rá sibh gur trí Bhéalzabúl a chaithim amach na deamhain.
Ach más trí Bhéalzabúl a chaithimse na deamhain amach, cé tríd go gcaitheann bhur gclann féin amach iad? Uime sin, is iad sin a thabharfaidh breith oraibh.
Ach más trí mhéir Dé a chaithim amach na deamhain, dá réir sin tá ríocht Dé tagtha chugaibh.
Nuair a bhíonn an fear láidir faoi arm is éide ag gardáil a chaisleáin, bíonn gach a bhfuil ina sheilbh sábhálta.
Ach nuair a thagann fear is treise ná é ina aghaidh agus go mbuann air, baineann de a ghléas troda as a raibh a mhuinín, agus déanann a chreach a roinnt.
An té nach bhfuil liom tá sé i m’aghaidh, agus an té nach gcnuasaíonn liom, scaipeann.



Sliocht as na h-aistriúcháin liotúirgeacha an Bhíobla - © An Sagart, Maigh Nuad 2000, Éire


 
©Evangelizo.org 2001-2017